हरेक नेपालीको ऋणभार १९ प्रतिशत बढ्यो, २९ हजार प्रतिव्यक्तिमाथि ऋण
प्रकाशित: आईतबार, १३ जेठ २०७५, १९ः०५ बजे
- जेम्सज्वेलरीखबर
काठमाडौँ । नेपाल सरकारले निकालेको तथ्यांक अनुसार हरेक नेपालीको ऋण भार १९ प्रतिशतले बढेर प्रतिव्यक्ति ऋण करिब २९ हजार पुगेको छ ।
सरकारले चालू आर्थिक वर्षको पहिलो ८ महिनामा तिर्न बाँकी ऋणलाई आधार मानेर यो तथ्यांक निकालिएको हो । अघिल्लो वर्ष नेपालीको प्रतिव्यक्ति ऋण २४ हजार २ सय ७० थियो ।
चालू आर्थिक वर्षको ८ महिनामा १ खर्ब १९ अर्ब ८० करोड बराबरको आन्तरिक ऋण परिचालन भएको थियो जसमा आन्तरिक ऋणको भुक्तानी १५ अर्ब २५ करोड मात्रै भएको छ ।
आन्तरिक ऋण परिचालनमा बृद्धि भएकोले पनि ऋणभार बढेको अर्थमन्त्री युवराज खतिवडाले वताएका छन् ।
Categorized in अर्थबजार
