काठमाडौं । हनुमानढोकमा गोरखाबाट ल्याएका दशैंको फूलपाती भित्राइएको छ ।
विहिवार परम्परागत बाजा, फूलपातीको डोलीको लावालस्कर सहित हर्षोउल्लासका साथ गोरखाबाट काठमाडौंको हनुमानढोका दरवारमा फूलपाती पठाइएको हो ।
गोरखा दरबारस्थित कालिका मन्दिरको दसैंघरबाट ल्याएको फूलपाती काठमाडौंस्थित हनुमानढोका दरबारमा फूलपाती ल्याएको हो ।
फूलपाती लिएर गोरखा दरबारका पूर्व कर्मचारी तथा ढुङ्गगाढे भगवतीका पुजारी लोकप्रसाद भट्टराई काठमाडौं आएका हुन । गोरखा दरबारको फूलपाती हनुमान ढोका पुगेपछि दसैंको रौनक बढ्ने र दसैं भित्रियो भन्ने प्रचलन छ ।
पृथ्वीनारायण शाहले काठमाडौंमा शासन गर्न थालेपछि गोरखा दरबारबाट फूलपाती लगेर भित्राउने प्रचलन सुरु भएको हो ।
तस्वीरहरुः बिज्जु श्रेष्ठ/महानगरखबर
Categorized in सम्पदा/संस्कृति
