काठमाडौं । स्वास्थ्य तथा जनसंख्या मन्त्रालयले नेपालमा कोभिडको नयाँ भेरियन्ट फेला परेको बताएको छ ।
नेपालमा K41HN mutation नामको नयाँ भेरियन्टको पुष्टि भएको मन्त्रालयले एक विज्ञप्ती निकालेर जनाएको छ । यसलाई A.Y1 पनि भनिने मन्त्रालयले उल्लेख गरेको छ ।
मन्त्रालयले ४७ वटा नमुना छनौट गरेर भारतको नयाँ दिल्लीमा पठाईएको मध्ये सबैमा डेल्टा भेरियन्ट पुष्टि भएको र थप ३ वटामा थप उत्परिवर्तित रुप A.Y1 देखिएको मन्त्रालयले बताएको छ ।
यस संगै नेपालमा अल्फा, डेल्टा , कप्पा भेरियन्ट देखिएको छ । यी बढि संक्रामक र सबै उमेर समुहलाई असर गर्ने भएकोले सचेत रहन र स्वास्थ्य मापदण्ड पालना गर्न मन्त्रालयले आग्रह गरेको छ ।
Categorized in स्वास्थ्य
