स्वास्थ्य मन्त्रालयले भन्यो–‘मास्क लगाउनु’
काठमाडौं । विश्व्यापी महामारी कोरोनाको जोखिम फेरि पनि बढ्ने संभावना देखिएको छ ।
छिमेकी मुलुक चाईनालागाय विश्वका थुप्रै देशमा कोरोना संक्रमण बढेपछि स्वास्थ्य तथा जनसंख्या मन्त्रालायले सतर्कता अपनाउन आग्रह गरेको छ ।
मन्त्रालयले विहिवार एक विज्ञप्ती जारी गरी सबैले स्वास्थ्य मापदण्डको पूर्ण पालना गरी दिन हुन भनेको छ ।
‘मास्क प्रयोग गर्नु हुन, एक अर्कामा भौतिक रूपमा दुरी कायम राख्नु हुन र व्यक्तिगत सरसफाइमा ध्यान दिनु हुन हार्दिक अनुरोध गर्दछौं,’ मन्त्रालयले निकालेको विज्ञप्तिमा उल्लेख छ ।
मन्त्रालयका सहप्रवक्ता डा. समिरकुमार अधिकारीले फरक स्वरूपमा कोरोना संक्रमणको जोखिम देखिएकोले पछिल्लो अवस्थालाई मध्यनजर गर्दै सबैमा मास्कको प्रयोग गर्न आग्रह गर्दै विज्ञप्ति जारी गरेको बताएको छ ।
छिमेकी मुलुकहरूमा देखिएको बिएफ ७ भने नेपालमा पुष्टि नभएको मन्त्रालयको भनाइ छ ।
Categorized in स्वास्थ्य
