काठमाडौं । सरकारले जनवादी गायक स्व.जुठबहादुर खड्गी ‘जेबी टुुहुुरे’ लाई जनगायकको उपाधि दिने निर्णय गरेको छ ।
सरकारका प्रवक्ता तथा सञ्चार तथा सुचना मन्त्री रेखा शर्माले संस्कृति, पर्यटन तथा नागरिक उड्डयन मन्त्रालयको प्रस्तावमा टुहुरेलाई सो सम्मान दिने निर्णय गरेको जानकारी दिइन ।
बुधबार बिहान बसेको मन्त्रिपरिषद् बैठकले टुहुरेलाई जनगायकको उपाधि दिने निर्णय गरेको हो ।
जनगायक टुहुरेले प्रगतिशील, जनवादी, क्रान्तिकारी गीतहरु गाएर लोकतन्त्रको प्रति सचेतना जगाउने काम गरेका थिए ।
२०७८ साल भदौ १० गते ७८ वर्षको उमेरमा निधन भएको थियो । २००१ कार्तिक १५ मा धरानको पुरानो बजारमा उनको जन्म भएो थियो ।
टुहुरेका आमा दिदी बहिनी, बसाइँ हिँड्नेको ताँतीलेु, आँधी खोलैलेु, चौंरी चर्ने ठाउँमा, छोराहरू हो लगायतको गीतहरु चर्चित छन ।
Categorized in मनोरन्जन