काठमाडौं । स्थानीय तहको निर्वाचनको लागि एक लाख म्यादी प्रहरीको भर्ना खुलेको छ ।
प्रहरी प्रधान कार्यालयले मंगलवार एक सुचना विज्ञापन गरी आगामी वैशाख ३० गते हुने चुनावको लागि म्यादी प्रहरीको भर्ना खुलाएको हो ।
काठमाडौं उपत्यकाको हकमा महानगरीय प्रहरी परिसर (काठमाडौं, ललितपुर, भक्तपुर) र जिल्ला प्रहरी कार्यालय सबैबाट दरखास्त फारम पाइने र त्यही बुझाउने कार्यालयले जनाएको छ ।
चैत ६ गतेदेखि ११ गते सम्ममा दरखास्त दिन सकिनेछ । म्यादी प्रहरीको लागि १८ वर्ष नाघेको र ५४ वर्ष ननाघेको हुनुपर्नेछ ।
म्यादी प्रहरीको कार्यअवधि बढीमा ४० दिनसम्मको हुने प्रधान कार्यालयले जानकारी दिएको छ ।
म्यादी प्रहरीको तलब ३० हजार २४० रुपैयाँ, खाद्यान्न बापत एकमुष्ठ ७ हजार २ सय र पोशाक तथा अन्य सामान खरिद गर्न ६ हजार रुपैयाँ दिने भएको जारी सुचनामा उल्लेखित छ ।
Categorized in स्थानिय
