काठमाडौं । खुलामञ्चमा काठमाडौं महानगरपालिकाले कालोपत्र गरेपछि स्थानीय बासिन्दा तथा अभिान्ताले खुलामञ्चको बार भत्काईदिएका छन ।
उनीहरुले कालोपत्रको काम पनि बन्द गराएका छन । शनिवार रातीदेखि दशैंको भीडभाडलाई छली धमाधम कालोपत्र गर्न थालेपछि आक्रोशित स्थानीय तथा अभियान्ताहरुले विरोध गरेका हुन ।
महानगरपालिकाले धुलो धुवाँमुक्त बनाउने भन्दै कालोपत्र गरेको बताएपनि अभियान्ताहरुले यो खुलामञ्च अतिक्रमणको अर्को रुप भएको र अस्यायी बसपार्कलाई स्थायी रुप दिन खोजेको बताएका छन ।
खुलामञ्च बचाउ अभियानले शनिवार रातीनै विज्ञप्ती जारी कालोपत्रि नरोके कडा आन्दोलन चेतावनी समेत दिएको थिए ।
खुलामञ्चमा कालोपत्र भईरहेको समाचार सार्वजनिक भए लगत्तै आईतबार विहान सरकोकारवालाहरु, सांसद भीमसेनदास प्रधान, काठमाडौं महानगरपालिकाकी उपमेयर हरिप्रभा खड्गी र वडा नम्बर २८ का वडाध्यक्ष भाइराम खड्गीसहित खुलामञ्च पुगेका थिए ।
Categorized in राष्ट्रिय