काठमाडौं । काठमाडौंको ठमेलबाट स्कुटीको डिकीमा लुकाई राखेको अमेरिकी डलर ६१ हजार ६ सय २० सहित प्रहरीले दुई जनालाई पक्राउ गरेको छ ।
विदेशी मुद्राको अवैध कारोवार भईरहेको खवर प्रहरीले पाएपछि महानगरीय प्रहरी बृत्त दरवारमार्गबाट खटिएको टोलीले बा.९१प नम्बरको ४२४७ को स्कुटी चेकजाँच गर्ने क्रममा सो रकम भेटिएको हो ।
पक्राउ पर्नेमा सुनसरी धरान उपमहानगरपालिका– १७ घर भएका ३५ वर्षीय अम्मर विश्वकर्मा र पूर्वी रुकुम सिस्ने गाउँपालिका–२ घर भएका २९ वर्षीय धनबहादुर खड्का रहेका छन् ।
प्रहरीले यस सम्बन्धमा आवश्यक अनुसन्धान गरिरहेको जनाएको छ ।
Categorized in अर्थबजार