काठमाडौं । प्रजातन्त्र दिवसको अवसरमा समाचार संकलनका लागि गएका पत्रकारलाई सैनिक मञ्च टुँडिखेलमा रोक लगाएको छ ।
सोमवार विहान पत्रकारहरुलाई सुचना विभागको नभई विशेष पास चाहिने भन्दै रोक लगाएपछि पत्रकारहरुले क्यामेरा सडकमै राखेर विरोध जनाएका छन ।
यसअघि सूचना विभागको पास देखाएर प्रवेश गर्दै आएका पत्रकारहरूलाई यसपालि विशेष पास देखाउन भन्दै सैनिकहरूले गेटमै रोकेका हुन ।
अहिले सैनिक मञ्च टुँडिखेलमा ७४ औं प्रजातन्त्र दिवस समारोह भइरहेको छ ।
सैनिक मञ्चमा राष्ट्रपति रामचन्द्र पौडेल, प्रधानमन्त्री पुष्पकमल दाहाल ‘प्रचण्ड’ लगायत मन्त्रीहरू र उच्च पदस्थ अधिकारी उपस्थित छन ।
प्रजातन्त्र दिवसका अवसरमा आज सार्वजनिक विदा समेत दिएको छ ।
Categorized in राष्ट्रिय