काठमाडौं । सुनको मुल्यले आईतबार नयाँ रेकर्ड बनाएको छ ।
सुनको मूल्य आज प्रतितोला ७२ हजार ५ सय पुगेको छ । नेपाल सुनचाँदी व्यवसायी महासंघका अनुसार यो अहिलेसम्मकै सबैभन्दा बढी मुल्य हो ।
यसअघि गत साउन ३१ गते प्रतितोला ७१ हजार ५ सय कायम भएको थियो । त्यसपछि घटेर ७१ र भदौ ४ मा पुन ३ सय बढेर ७१ हजार ३ सयमा सिमित भएको सुनको मूल्य आइतबार पुन बढेको हो ।
तेजावी सुनको मूल्य आइतबार ७२ हजार २ मा कारोवार भईरहेको महासंघले जनाएको छ ।
अन्तर्राष्ट्रिय बजारमा सुनको मूल्य बढेकाले नेपालमा पनि मूल्य वृद्धि भएको हो । अन्तर्राष्ट्रिय बजारमा अहिले सुनको मूल्य प्रतिऔंस १५ सय २७ पुगेको छ ।
आज चाँदी ८ सय ५० पुगेको छ । चाँदीमा पनि यो अहिलेसम्मकै सबैभन्दा उच्च मूल्य हो ।
Categorized in सौन्दर्य
