काठमाडौं । पुर्वाञ्चलमा इटहरीका एक युवाले सुन चोर्ने गज्जब आईडिया निकालेका रहेछन् ।
इटहरी उपमहानगरपालिका–२ बस्ने बर्ष ३१ का सुरज कुमार नेपाल सुन पसलमा गएर सक्कली सुन निलेर नक्कली सुनको सिक्री पसललेलाई भिराएर ठगी गर्न खोजेका थिए तर उनी असफल भए ।
विराटनगर महानगरपालिका–९ स्थित अरुण कुमार राठीले सञ्चालन गरेको राठी सुन पसलमा सिक्री किन्न गएका नेपालले पसलेसँग सुनको सिक्री मागेर गलामा लगाए । अनि ऐना अगाडि उभिएर केहीबेर आफूलाई हेरे । त्यसपछि उनले सुनको सिक्री गलाबाट निकालेर मन परेको भन्दै फिर्ता गरे ।
तर सुन पसलेलाई शंका लागगेपछि सिक्री आफ्नो नभएको दावीसहित राठीले प्रहरीलाई खबर गरे । प्रहरी पसलमा आएर नेपाललाई नियन्त्रणमा लियो । उनको शरिर खानतलासी ग¥यो तर, सिक्री भेटेन ।
नेपाले सुन निलेको आशंका प्रहरीले गरयो । विराटनगरको विराट अस्पतालमा लगेर भिडियो एक्सरे गरेपछि पेटभित्र सुनको सिक्री देखियो । यो देखेर सबै छक्क ।
उनले पसलेको सक्कली सुनको सिक्री निलेर आफूसँग भएको नक्कली सुनको सिक्री फिर्ता गरेका रहेछन ।
Categorized in पत्रपत्रिका