काठमाडौं । नेपाली बजारमा सुन–चाँदीको मूल्य फेरि रेकर्ड स्तरमा पुगेको छ ।
शुक्रबार प्रतितोला २ लाख नाघेको सुन आइतबार थप महँगिँदै नयाँ उच्च मूल्य कायम गरेको छ ।
नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला २ लाख ३ हजार ६ सय रुपैयाँ निर्धारण गरिएको छ ।
यो अहिलेसम्मकै उच्च मूल्य हो । अघिल्लो कारोबार दिन सुन प्रतितोला २ लाख ६ सय रुपैयाँमा कारोबार भएको थियो ।
सुनसँगै चाँदीको मूल्य पनि ऐतिहासिक रुपमा बढेको छ आइतबार प्रतितोला ६५ रुपैयाँले वृद्धि भई २ हजार ४२५ रुपैयाँ पुगेको महासंघले जनाएको छ ।
अघिल्लो दिन चाँदी प्रतितोला २ हजार ३६० रुपैयाँमा कारोबार भएको थियो।
Categorized in बजार
