काठमाडौं । काठमाडौं महानगरपालिकाले सुन्धारको टेलिकमको भित्तामा काठमाडौंको सांस्कृतिक सम्पदाका चित्रहरु कोरेका छन ।
अहिले भित्तामा सांस्कृत सम्पदाहरु कालभैरव, धरहारा, कुमारी, नेवाः सांस्कृतिका अन्य चित्रहरु कोरिने क्रममा रहेको महानगरपालिकाले जनाएको छ ।
ललित कला प्रज्ञा प्रतिष्ठानसँग गत बर्षको फागुन १७ गते भएको सम्झौता अनुसार ललितकलाको सहकार्यमा सार्वजनिक पर्खालका भित्ताहरुमा कलात्मक चित्र लेखनको थालिएको हो ।
काठमाडौँ महानगरपालिकाभित्र चित्रकलाबाट सहरको सुन्दरता अभिवृद्धि गर्ने काम उदेश्यकले काम अघि बढाएको महानगरपालिकाले जानकारी दिए ।
चित्र लेखन गर्दा स्थानअनुसारका आकृतिलाई प्राथमिकता दिने हुँदा रङ्गशाला क्षेत्रमा खेलकुदसँग सम्बन्धित, अन्तरराष्ट्रिय विमानस्थल बाहिर नेपालका जातजाति तथा भेषभुषा विम्बित हुने चित्र कोरिने छन ।
त्रिपुरेश्वर रङ्गशालाको भित्तो, माइतीघरबाट बबरमहल जाँदा दायाँतर्फको भित्तो, प्रदर्शनी मार्गका भित्ताहरु, अन्तरराष्ट्रिय बिमानस्थल बाहिर, बानेश्वर मीनभवन, लैनचौर समाजकल्याण परिषद्को भित्ताहरु चित्र कोरिनेछन ।
यी चित्रहरुले काठमाडौँलाई चिनाउने र काठमाडौँका सम्पदाको भव्यता प्रदर्शन गरेको महानगरको भनाई छ ।
Categorized in सम्पदा/संस्कृति