काठमाडौं । सत्ता साझेदार दल नेपाली कांग्रेसले समसामयिक मुद्दामा सरकारको गम्भीर ध्यानाकर्षण गराएको छ ।
कांग्रेस केन्द्रीय समिति बैठक (असार १६ देखि २३) द्वारा पारित निर्णयमार्फत सरकारले जनअपेक्षा अनुसारको सुशासन र समृद्धिका लागि तत्काल प्रभावकारी कदम चाल्नुपर्ने माग गरिएको छ ।
बैठकले कांग्रेस–एमालेबीच भएको सात बुँदे सहमतिप्रति पुनः प्रतिबद्धता व्यक्त गर्दै सरकारलाई स्थायित्व र जनभावना अनुसार काम गर्न दबाब दिएको छ।
कांग्रेसको सरकारलाई ९ बुँदे ध्यानाकर्षणः
१. कृषि आत्मनिर्भरताको माग
– मलखाद र बीउको अभाव तत्काल हटाउने।
– विषादीको नियमन, स्थानीय जैविक मल र औषधिको प्रवद्र्धन।
२. उद्योग र कर प्रणाली सुधार
– लगानीमैत्री वातावरण निर्माण, प्रक्रिया सरल बनाउने ।
– सुनलाई विलासिताको वस्तु भनेर कोटा प्रणाली नथोपार्ने ।
– आन्दोलनरत सुनचाँदी व्यवसायीसँग तत्काल संवाद गर्न आग्रह ।
३. विपद् पूर्वतयारीमा कमजोरी हटाउनुपर्ने
– भारी वर्षाका पूर्वानुमानपछि प्रभावकारी सूचना प्रणाली र नागरिक सुरक्षा सुनिश्चित गर्नुपर्ने।
४. बाढी–पहिरो पीडितको उद्धार र पुनस्र्थापना
– पीडितका लागि तत्काल राहत र पुनस्र्थापनाको माग।
– सडक, पशु र बाली क्षतिप्रति सहानुभूति प्रकट।
५. शिक्षा प्रणालीमा गुणात्मक सुधार
– वर्तमान नतिजा पर्याप्त नभएको स्वीकार ।
– व्यवहारिक तथा रोजगारमूलक शिक्षा नीति अवलम्बन गर्न आग्रह ।
६. चिकित्सक आन्दोलनप्रति चासो
– आकस्मिकबाहेक सेवा बन्दप्रति गम्भीर चिन्ता ।
– सरकार–चिकित्सक वार्ताबाट समाधान खोज्न आग्रह।
७. मधेशमा खडेरीप्रभावित कृषि संकट
– भूमिगत जलको ह्रास र कृषि उत्पादनमा गिरावटप्रति दीर्घकालीन रणनीति आवश्यक।
८. ऊखु किसानलाई भुक्तानी र सहजता
– बाँकी भुक्तानी तत्काल दिलाउन र अनुदान निरन्तरता सुनिश्चित गर्न माग।
९. सहकारी घोटालापछिका पीडितलाई राहत
– पाँच लाखसम्मको बचत तत्काल फिर्ता गराउने नीतिगत व्यवस्था।
– दोषी सञ्चालकहरूलाई कारबाही र मुद्दा छिटो टुंग्याउन माग।
Categorized in राष्ट्रिय
