काठमाडौं । अर्थ मन्त्रालयका सचिव मधुकर मरासिनीले सरकारले सुनचाँदीमा आयातमा लिएको नीतिले सकारात्मक असर पारेको बताएका छन ।
आईतवार सार्वजनिक लेखा समितिको बैठकलाई सम्बोधन गर्दै उनले सो कुरा बताएका हुन । उनका अनुसार विदेशबाट आउने यात्रुले ल्याउने सुनमा कडाइ गर्दा यसले पनि सकारात्मक असर देखिएको सुनाए ।
कर नतिरी आएको हालसम्म १५५ केजी सुन जफत गरिएको उनले बताए । यसको मूल्य एक अर्ब २२ करोड रुपैयाँ हुन आउँछ । जसबाट १४ करोड बराबर राजस्व संकलन भएको छ ।
सचिव मरासिनीले नीतिगत सुधारले सुनचाँदीको अपचलनमा पनि कमी आएको उनले बताए ।
Categorized in बजार