काठमाडौं । नेपाली बजारमा आज सुनको मूल्यमा तीव्र वृद्धि भएको छ ।
नेपाल सुनचाँदी व्यवसायी महासंघका अनुसार सोमबार सुनको मूल्य तोलामा २ हजार ९ सय रुपैयाँले बढेर २ लाख ४१ हजार ५ सय रुपैयाँ पुगेको छ ।
आइतबारसम्म सुनको कारोबार प्रतितोला २ लाख ३८ हजार ६ सय रुपैयाँमा भइरहेको थियो ।
लगातार पाँच दिनदेखि सुनको मूल्य उकालो लागिरहेको छ । कात्तिक १९ गते प्रतितोला २ लाख ३७ हजार २ सय रुपैयाँ रहेको सुन अहिले सम्ममा ४ हजार ३ सय रुपैयाँले बढिसकेको हो ।
यसअघि असोज ३१ गते सुनको भाउ हालसम्मकै उच्च दर २ लाख ५८ हजार रुपैयाँ पुगेर रेकर्ड बनेको थियो ।
सुनसँगै आज चाँदीको मूल्य पनि बढेको छ । अघिल्लो दिन प्रतितोला ३ हजार १५ रुपैयाँ रहेको चाँदी सोमबार ५० रुपैयाँ बढेर ३ हजार ६५ रुपैयाँ पुगेको महासंघले जनाएको छ ।
असोज ३१ गते चाँदीको मूल्य प्रतितोला ३ हजार ३५० रुपैयाँ पुगेको रेकर्ड रहेको थियो ।
Categorized in बजार
