काठमाडौं । विहिवार सुनको मूल्यले अर्को नयाँ रेकर्ड बनाएको छ ।
नेपाल सुनचाँदी व्यवसायीका अनुसार आज छापावाल सुन प्रतितोला एकलाख २७ हजार ८ सय रुपियाँमा कारोवार भईरहेको छ ।
यसअघि गत फागुन २७ गते हालसम्मकै उच्च मूल्यमा सुनको कारोबार भएको थियो । उक्त दिन सुन प्रतितोला एक लाख २६ हजार रूपैयाँमा कारोबार भएको थियो।
आज अघिल्लो दिनको तुलनामा प्रतितोला दुई हजार छ सय रूपैयाँ बढेको हो । महासंघको अनुसार तेजाबी सुन प्रतितोला एक लाख २७ हजार दुई सय रूपैयाँमा कारोबार भइरहेको छ ।
बिहीबार चाँदीको मूल्य पनि अघिल्लो दिनको तुलनामा बढेको छ ।
आज चाँदीको मूल्य प्रतितोला एक हजार पाँच सय ५५ रूपैयाँ पुगेको महासंघले जनाएको छ ।
Categorized in बजार