सीआईबी प्रमुख फेरिए, किरण बज्राचार्यको सट्टा श्यामलाल
काठमाडौं । नेपाल प्रहरीको केन्द्रीय अनुसन्धान ब्यूरो (सीआईबी)को प्रमुखको जिम्मेवारी हेरफेर भएको छ ।
शुक्रवार बसेको मन्त्रिपरिाषद् बैठकले सीआइबी प्रमुखमा प्रहरी अतिरिक्त महानिरीक्षक (एआईजी) श्यामलाल ज्ञवालीलाई तोकेको छ ।
सञ्चार तथा सूचना प्रविधिमन्त्री रेखा शर्माका अनुसार यसअघि सीआईबीकी निर्देशक रहेकी एआईजी किरण बज्राचार्यलाई प्रहरी प्रधान कार्यालयको कार्यविभागको जिम्मेवारी दिएको हो ।
सुन तस्करी प्रकरण सम्बन्धी छानविनको लागि गठित उच्चस्तरीय आयोगले बज्राचार्यको अनुसन्धानमा गम्भीर त्रुटी देखाएछि बज्राचार्यलाई जिम्मेवारीबाट हटाउने तयारी भएको थियो ।
त्यसैगरी, आयोगले सुन तस्करी अनुसन्धानमा त्रुटी औल्याँदै एसपी सञ्जयसिंह थापा र डीएसपीद्वय रूगम कुँवर र दुर्गा दाहाललाई पनि कारबाही गर्न सिफारिस गरेको छ ।
Categorized in राष्ट्रिय
