काठमाडौँ । सिभिल बैंकले आफ्नो शेयरधनीलाई ४.०५ प्रतिशत नगद लाभांश दिने प्रस्ताव गरेको छ ।
बैंकले आव २०७४÷७५ को नाफाबाट शेयरधनीलाई ४.०५ प्रतिशत नगद लाभांश दिने भएको हो । २९ करोड ४० लाख दुई हजार ६९ बराबरको नगद लाभांश वितरण गर्ने प्रस्ताव गरेको हो ।
बैंकको चुक्ता पूँजी रु सात अर्ब २५ करोड ९३ लाख १० हजार ३६१ को ४.०५ प्रतिशतले हुन आउने सो रकम वितरण गरिने भएको छ ।
नेपाल राष्ट्र बैंकको स्वीकृति तथा बैंकको वार्षिक साधारणसभाले पारित गरेपछि मात्रै उक्त नगद लाभांश शेयरधनीलाई वितरण गरिनेछ ।
कम्पनी सचिव हिराकाजी बस्नेतका अनुसार यही फागुन ३ गते बसेको सञ्चालक समितिको बैठकले उक्त निर्णय गरेको हो ।
आर्थिक वर्ष २०७३÷७४ मा लाभांश घोषणा गरेपनि शेयरधनीले हालसम्म पाएका छैनन । बैंकले आव २०७२÷७३ मा २.८८ प्रतिशत शेयर लाभांश दिएको थियो ।
Categorized in बैंक