काठमाडौं । शुक्रवार विहान सिन्धुपाल्चोकको भैरवकुण्ड आसपास केन्द्रविन्दु गरी भूकम्प गएको छ ।
राष्ट्रिय भूकम्प मापन तथा अनुसन्धान केन्द्रका वरिष्ठ भूकम्पविद् लोकविजय अधिकारका अुनसार बिहान २ः५१ बजे भैरवकुण्ड आसपास केन्द्र गरी ६.१ म्याग्निच्युडको भूकम्प गएको थियो ।
काठमाडौं उपत्यकामा भूकम्पको कडा कम्पन महसुस गरिएपछि मानिसहरु बाहिर आएका थिए । धक्काको कोशी, मधेस प्रदेशमा पनि धक्का महसुस गरिएको थियो ।
पछिल्लो अपडेट अनुसार सिन्धुपाल्चोकमा आत्तिएर भाग्नेक्रममा लड्दा एक जना कैदीको हात भाँचिएको छ । उनको जिल्ला अस्पतालमा उपचार भइरहेको सिन्धुपाल्चोकका प्रमुख जिल्ला अधिकारी किरण थापाले बताएको छ ।
यसैगरी, कोदारीस्थित प्रहरी चौकीको भित्ता चर्किएको छ भने भोटेकोशी गाउँपालिका वडा नम्बर ३ स्थित दुगुनागढीमा पहिरो खसेको छ ।
28 Ferbury 2025, Friday
Categorized in राष्ट्रिय
