सिंहदरवार र संसद भवन परिसरको फुटपाथमा हिड्न रोक
काठमाडौं । सिंहदरवार र संसद भवन परिसरको फुटपाथमा सर्वसधारणलाई हिड्न रोक लगाएको छ ।
प्रहरीले सुरक्षा संवेदनशीलतालाई हेरेर तत्कालीन व्यवस्थापन गरिएको प्रतिक्रिया दिएका छन ।
सोमबार लघुवित्त पीडितहरुले नयाँ बानेश्वरस्थित संसद् भवन प्रवेश गरेपछि सिंहदरबार र बानेश्वर वरपरका फुटपाथमा पनि हिँड्न रोक लगाइएको हो ।
सिंहदरबारको पर्खालसँगैको फुटपाथमा डोरी टाँगेर निषेधित क्षेत्र लेखिएको छ । त्यहाँ फुटपाथ प्रयोग गर्न रोक लगाइएको हो ।
त्यस्तै संघीय संसद भवन नयाँ बानेश्वरको पर्खालसँगैको फुटपाथमा पनि डोरी टाँगिएको छ ।
अहिले प्रहरीले सर्वसाधारणलाई डोरी टाँगिएको क्षेत्रमा हिँड्न दिएको छैन । फुटपाथमा हिँड्न नपाएपछि सर्वसाधारणले सडकबाटै हिँडेको दृश्य देखिएको छ ।
Categorized in राष्ट्रिय
