काठमाडौं । योगदानमा आधारित सामाजिक सुरक्षा कोषमा हालसम्म २६ लाख ५० हजार श्रमिक आवद्ध भएका छन ।
कोषका अनुसार श्रमिकहरूले जम्मा गरेको ९५ अर्ब ६८ करोड रुपैयाँसहित कुल एक खर्ब २६ अर्ब रुपैयाँ विभिन्न क्षेत्रमा लगानी गरिएको छ ।
कोषले लगानी गरेको रकममध्ये ५८ अर्ब ८८ करोड ६२ लाख रुपैयाँ बैंकको म्यादित निक्षेप (मुद्धती रसिद) मा राखिएको छ ।
त्यस्तै ३२ अर्ब १८ करोड ९५ लाख ट्रेजरी बिलमा र एक अर्ब ९ करोड ९५ लाख रुपैयाँ म्युचुअल फन्डमा लगानी गरिएको छ । केही रकम सुविधा भुक्तानीका लागि बैंक खातामा सुरक्षित राखिएको कोषले जनाएको छ ।
हालसम्म सापटी (लोन) का नाममा योगदानकर्ताले ७ अर्ब ७९ करोड ८३ लाख रुपैयाँ सुविधा पाएका छन ।
सामाजिक सुरक्षा योजना २०७५ मंसिर ११ गतेदेखि लागू भएको हो ।
सुरुआतमा औपचारिक क्षेत्रका श्रमिकलाई लक्षित योजनामा अहिले वैदेशिक रोजगार, अनौपचारिक क्षेत्र, स्वरोजगार तथा निजी क्षेत्रका विभिन्न श्रमिक समूह समेटिने क्रम जारी छ ।
सरकारले सबै श्रमिकलाई सामाजिक सुरक्षामा अनिवार्य समावेश गर्ने घोषणा गरे पनि व्यावहारिक रूपमा धेरै श्रमिक अझै योजनाभित्र आउन सकेका छैनन ।
Categorized in समाज
