काठमाडौं । गोदावरीमा सम्पन्न २ दिने ७ औं राष्ट्रियव्यापी टिकाभैरव सो क्योकुशिन फुलकन्टयाक्ट कराँते प्रतियोगिता सम्पन्न भएको छ ।
समापन समारोहका प्रमुख अतिथी प्रतिनिधिसभा सांसद उदयशम्शेर राणाले बिजेता खेलाडीहरुलाई पुरस्कार तथा प्रमापणपत्र प्रदान गरेका थिए ।
टिकाभैरव सो क्योकुशिन फुलकन्टयाक्ट कराँतेका प्रमुख दिनेश नगरकोटीका अनुसार जेठ २५ गते शुक्रवार र २६ गते शनिवार आयोजित सो प्रतियोगितामा ५५ केजी पुरुषमा निरज नगरकोटी(टिका भैरव डोजोे) प्रथम भएका छन ।
त्यसैगरी, द्धितियामा सुनिल कुँवर,(नेपाल आर्मी ), तृतियमा प्रविण माझी (नेपाल आर्मी ) र चौथोमा टेकेन्द्र बोहारा(पाथिभारा डोजो) भएका छन ।
यस समूहका बिजेता खेलाडीलाई बिजेतलाई नगद रु १० हजार, दोस्रोलाई रु ५ हजार र तृतियलाई रु २५०० नगद प्रदान सहित प्रमणपत्र, मेडल र ट्रफि प्रदान गरिएको छ ।
आर्मीका महिलामा मन्जु विक प्रथम, दोस्रो सुमित्रा नगरकोटी(सशस्त्र प्रहरी), तेस्रोमा अनिषा तामाङ र चौथोमा सरु थापा मगर भएकी छिन ।
पुरुष खुला तौलमा आर्मी का विकास गुरुङ्ग प्रथम, अमित महर्जन(टोखा डोजो), तेस्रो भुपेन्द्र विश्वकर्मा र चौथोमा विजय तामांग भएका छन ।
४० केजी महिला प्रतिस्पर्धामा दक्षिणा धलान प्रथम, आरती थिंग द्धितिया, करुण योन्जन तृतिय र आराध्या थापा चौथो भएकी छिन ।
यस समूहका बिजेतालाई खेलाडीलाई ५ हजार, द्धितियलाई २ हजार ५ सय, तृतियलाई १ हजार ५ सय र चौथोलाई १ हजार नगद पुरस्कार प्रदान गरिएको छ ।
४० केजी पुुरुष समूहतर्फ सविन गुरुङ प्रथम, विश्वास तामाङ दोस्रो, जगत प्रजा तेस्रो र अर्पण लामा चौथो भएका छन ।
२५ केजी महिला समूह तर्फ अन्जता नगरकोटी, मिका राई द्धितिया, एन्जल राणा तृतिय र विशेषा तामाङ चौथो भएका छन ।
२५ केजी पुरुष समूह तर्फ सुजन तामाङ प्रथम, अनुप लिम्बु दोस्रो, विहान नगरकोटी (टिकाभैरव) तृतिय र जितेन्द्र भण्डारी (कीर्तिपुर) चौथो भएका छन ।
कार्यक्रमको पहिलो दिन बागमति प्रदेश सभा सदस्य सभासद मिनकृष्ण महर्जनले उद्घाटन गरेका थिए ।
कार्यक्रमलाई भव्य र सभ्य रुपमा सफल पार्न स्थानीय वडा अध्यक्षसँगै स्थानीय संघ, संस्थाको विशेष सहयोग रहेको थियो ।
यस प्रतियोगितमा सो– क्योकुशिनका सातै प्रदेशका खेलाडीको विभागीय टिम, नेपाल आर्मी, सशस्त्र प्रहरी (एपिएफ) को सहभागीता रहेको थियो ।
कार्यक्रम स्थानीय, खेलप्रेमी तथा अन्यसहित हजारौंको संख्यामा उपस्थिती रहको आयोजकले जनाएको छ ।
तस्वीर र भिडियोः बिज्जु श्रेष्ठ/महानगरखबर
Categorized in मनोरन्जन