काठमाडौं । समाजिक सञ्जालमा सडक लेन मिचेर रोड क्रस गरेर भाईरल भएको सरकारी गाडीका चालकलाई प्रहरीले कार्वाही गरेको छ ।
प्रहरीका अनुसार जल उत्पन्न प्रकोप नियन्त्रण विभागको बा १ झ ७६७४ नम्बरको गाडीले यसरी लेन मिचेको भिडयो सामाजिक सञ्जालमा भिडिओ भाइरल भएको थियो ।
शुक्रबार सातदोबाटोबाट ग्वार्कोतर्फ जानेक्रममा आकाशे पुल अगाडि लेन परिवर्तन गर्न गाडीले डिभाइडर नै नाघेर लेन परिवर्तन गरेको थियो ।
आइतबार ललितपुर जिल्ला प्रहरी ट्राफिक कार्यालयले उक्त सवारीसाधन फेला पारेपछि सवारीका चालकलाई लेन अनुशासनमा कारबाही गरिएको हो ।
Categorized in समाज
