काठमाडौं । १३औं दक्षिण एसियाली खेलकुद (साग) का पदक विजेता खेलाडीहरुलाई शुक्रवार नागरिक अभिनन्दन गरिएको छ ।
उनीहरुलाई त्रिपुरेश्वरस्थित दशरथ रंगशालाबाट नगर परिक्रमा गराएको थियो ।
साग बिजेता खेलाडीहरुलाई न्युरोड, इन्द्रचोक, रत्नपार्क, सिंहदरबार पुल्चोक, लगनखेल, सातदोबाटो, कोटेश्वर हुँदै सल्लाघारीसम्म घमाउने रुट कायम गरिएपनि पानिको कारण सो सफल हुन सकेन ।
नागरिक अभिनन्दन भनिएपनि सो अनुसारको व्यवस्था भने थिएन । रंगशालाबाट हिँड्दै नगर परिक्रमामा सहभागी खेलाडीहरुलाई केही समयपछि ट्र्याक्समा राखिएको थियो ।
सागमा नेपालले ५१ स्वर्ण, ६० रजत र ४५ कांस्य पदक जितेको थियो ।
Categorized in जीवनशैली