सांसद विराजभक्त श्रेष्ठले चोरीको मुर्तिबारे गृहमन्त्रीसँग जवाफ मागे
काठमाडौं । ललितपुुरको चापाँगाउँस्थित चोरि भईरहेको ऐतिहासिक मूर्तिबारे सांसद विराजभक्त श्रेष्ठले उपप्रधान तथा गृहमन्त्री नारायणकाजी श्रेष्ठको ध्यानाकर्षण गराएका छन ।
आईतवार संसदमा श्रेष्ठले १० दिनको अन्तरालमा करिब ४ सय बर्ष पुरानो ३ वटा मूर्तिहरु चोरी भईसकेको अवस्थामा पनि राज्य मौन रहेको भन्दै आपत्ती जनाएका थिए ।
उनले ऐतिहासिक, पुरातात्विक महत्व बोकेको मुत्र्तिहरु चोरी भईरहँदा राज्यले जवाफ दिनु पर्ने भन्दै गृहमन्त्रीसँग जवाफ मागेका छन ।
साथै प्राचीन स्मारक ऐन अनुसार सम्बन्धित जिल्लाको सिडिओ र एसपी सँग स्पष्टीकरणको माग पनि सांसद श्रेष्ठले माग राखे ।
आज चापागाँउका स्थानीयहरुले शान्तिपूर्ण रुपमा आन्दोलनमा रहेको उनले संसदलाई बताएका थिए ।
Categorized in सम्पदा/संस्कृति
