साँखुमा जीप र मोटरसाईकल ठोक्किँदा एकको मृत्यु
काठमाडौं । काठमाडौंको साँखुमा एक जीप र मोटरसाईकल एक आपसमा ठोक्किँदा एक जनाको मृत्यु भएको छ ।
साँखु सडक खण्डमा भएको सो दुर्घट्नमा मोटरसाइकल चालक सिन्धुपाल्चोक थाङपाल गाउँपालिका–७ घर भई काठमाडौं गोकर्णेश्वर नगरपालिका दक्षिण ढोका बस्ने २२ वर्षीय शीव सुनुवारको मृत्यु भएको छ ।
मंगलबार शंखरापुर नगरपालिका–६ साँखुस्थित सडकमा बा.१६ च ८७७० नम्बरको जीप, बा.६४ प ६८०९ नम्बरको मोटरसाइकल र भारतीय नम्बर प्लेटको बीआर ०६ पीडी ४०५९ नम्बरको जीप एकआपसमा ठोक्किएको थियो ।
सुनवारको शंखरापुर अस्पतालमा उपचारको क्रममा मृत्यु भएको प्रहरीले जनाएको छ । दुर्घटनमा परी मोटरसाइकलमा सवार सोही ठाउँ बस्ने २३ वर्षीय सागर श्रेष्ठ घाइते भएका ।
प्रहरीले दुवै जिपको चालकहरुलाई नियन्त्रणमा लिएर अनुसन्धान थालेको छ ।
Categorized in समाज
