सहकारी संस्थामा ७३ लाख बढि मानिस आवद्ध
काठमाडौं । सहकारी विभागले देशभरका सहकारीबारे एक तथ्यांक संकलन गरेका छन ।
विभागले संकलन गरेको तथ्यांक अनुसार सहकारी संस्थामा ७३ लाख ७ हजार ४ सय ६२ जना आवद्ध रहेका छन । जसमा ५६ प्रतिशत महिला र ४४ प्रतिशत पुरुष सदस्य छन ।
विभागले २०७७ साउनदेखि कात्तिकसम्म सातै प्रदेशको स्थानीय तहहरुको सहकार्यमा अध्ययन गरेको थियो । देशभर २९ हजार ८ सय ८६ वटा सहकारी संस्था रहेका छन ।
त्यस्तै २० वटा विषयगत सहकारीका केन्द्रीय संघ, एउटा राष्ट्रिय सहकारी बैंक, एउटा राष्ट्रिय सहकारी महासंघ, ७० वटा जिल्ला सहकारी संघ र २४१ वटा विषयगत जिल्ला सहकारी संघहरू क्रियाशील रहेका छन ।
देशभरका सहकारीमा कुल शेयर पूँजी ९४ अर्ब १० करोड ५० लाख रहेको छ भने ४ खर्ब ७७ अर्ब ९६ करोड रुपैयाँ वचत रहेको छ ।
सहकारीले ४ खर्ब २६ अर्ब २६ करोड २३ लाख रुपैयाँ लगानी गरेका छन । सहकारीले मुलुकभर ८८ हजार ३ सय ९ जनालाई प्रत्यक्ष रोजगारी पाएका छन ।
Categorized in सहकारी
