काठमाडौं । राष्ट्रिय सहकारी बैंकको प्रमुख कार्यकारी अधिकृतमा चाटर्ड एकाउन्टेन्ट बद्रीकुमार गुरागाई नियुक्त भएका छन् ।
बैंकको संचालक समितिले सहकारी क्षेत्रमा क्रियाशिल गुरागाईलाई प्रमुख कार्यकारी अधिकृतमा नियुक्ति गरेको हो । यस अघि बैंकको नायव महाप्रवन्धकका रुपमा कार्यरत थिए ।
गुरागाई हाल नेपाल चाटर्ड एकाउण्टेण्ट संस्थाअन्तर्गतको गुणस्तर अनुगमन बोर्डका सदस्यसमेत हुन ।
सदस्य सहकारी संघसंस्थाहरुको वित्तीय एबं गैह्रवित्तीय आवश्यकता पहिचान गरी त्यसको परिपूर्तिको लागि संस्थाका नीति तथा कार्यक्रम समयानुकुल परिमार्जन गर्दे आईरहेको विज्ञप्तिमा उल्लेख छ ।
बैंकमा हाल ७७ जिल्लाका १० हजार २ सयभन्दा बढी सहकारी संघसंस्थाहरु मार्फत करीब ३५ लाख ब्यक्तिहरू आबद्ध भइसकेका छन् ।
बैंकले आर्थिक बर्ष ०७४÷०७५ सम्म आईपुग्दा १ अर्ब २० करोड भन्दा बढी शेयर पुँजी तथा करिव २० अर्व निक्षेप संकलन गरी करिव १४ अर्व कर्जा लगानी गरेको छ ।
Categorized in सहकारी