काठमाडौं । सहकारीको मनलागी ब्याज असुल्ने प्रबृति प्रति सरकार कडा हुने भएको छ ।
सहकारी संस्थाहरुको ब्याजदरलाई पनि नियमनका लागि सन्दर्भ ब्याजदर निर्धारण गरिने प्रक्रिया थालेको छ ।
सहकारी ऐन र नियमावलीको व्यवस्था बमोजिम राष्ट्रिय सहकारी विभागले सन्दर्भ ब्याजदर तोक्न गृहकार्य सुरु गरेको हो ।
पछिल्लो समय सहकारीले आफ्ना सदस्यहरुलाई चक्रीय ब्याजदर कायम गरेर उच्च ब्याज कायम गरी शोषण गरेको गुनसो बढेपछि सरकारले कडा कदम चल्ने भएको छ ।
सहकारीको सन्दर्भ ब्याजदर तोक्न बचत तथा ऋणको कारोबार गर्ने केन्द्रीय विषयगत संघमा आवद्ध संस्था तथा संघहरु, सहकारी बैंक र ‘क’ वर्गाका बैंक तथा वित्तीय संस्थाको औसत ब्याजदरलाई आधार बनाइनेछ ।
सरकारले सन्दर्भ ब्याजदर तोक्न रजिष्ट्रारको संयोजकत्वमा समिति निर्माण गरेर काम गर्ने बताएको छ ।
Categorized in सहकारी