काठमाडौं । सशस्त्र प्रहरीले विभिन्न पदमा नयाँ भर्नामा माग गरेको छ ।
शुक्रवार सुचना प्रकाशित गरी प्रहरी निरीक्षक (इन्स्पेक्टर), प्रहरी सहायक निरीक्षक (असई) देखि माली पदमा समेत नयाँ भर्ना आव्हान गरेको हो ।
सशस्त्र प्रहरी बलले ९९ जना इन्स्पेक्टर, ९८ जना असई, ६५ जना भान्से, १० जना कूचीकार, ४ जना सूचिकार, ४ जना केशकर्तक, ५ जना चर्मकर्मी र तीन जना मालीका लागि दरखास्त आह्वान गरेको छ ।
प्रकाशित सुचनामा योग्यता पुगेका इच्छुक व्यक्तिहरूले माघ १० गतेसम्म आवेदन दिन सक्नेछन । अनलाइनमार्फत पनि आवेदन दिन सक्नेछन ।
प्रहरी निरीक्षक र सहायक निरीक्षक पदमा अनलाइन आवेदन दिएकाहरूले फागुन २ गतेभित्र र विभिन्न ट्रेड पदमा उम्मेदवारी दिएकाहरूले माघ २४ गतेभित्र दरखास्त दिँदा तोकेको कार्यालयमा उपस्थित हुनुपर्नेछ ।
सशस्त्र प्रहरी निरीक्षक र सशस्त्र सहायक प्रहरी निरीक्षक पदहरुको हकमा दोब्बर दस्तुर बुुझाई मिति २०८०/१०/२२ देखि २०८०/१०/२८ गते कार्यालय सयममा दरखास्त दिन सक्नेछ ।
प्रकाशित सुचनाः
Categorized in राष्ट्रिय