काठमाडौं । जेनजी आन्दोलनका क्रममा भएका तोडफोड र आगजनी घटनाको अनुसन्धान गर्न सर्वोच्च अदालत र काठमाडौं जिल्ला अदालतले प्रहरीमा जाहेरी दिएका छन ।
अदालतका तर्फबाट जिल्ला प्रहरी परिसर भद्रकाली, काठमाडौंमा जाहेरी दर्ता गरिएको परिसरका प्रमुख एसएसपी रमेश थापाले जानकारी दिए ।
जाहेरीपछि प्रहरीले अदालतमा तोडफोड र आगजनीमा संलग्न व्यक्तिहरूको खोजी सुरु गरेको जनाएको छ । प्रहरीका अनुसार घटनामा संलग्नहरूको पहिचान गरी कानुनी कारबाहीको दायरामा ल्याउन टोली परिचालन गरिएको छ ।
गत २३ र २४ भदौमा जेनजी आन्दोलनका क्रममा सर्वोच्च अदालतमा ठूलो क्षति पुगेको थियो। आगजनीका कारण अदालतका महत्त्वपूर्ण कागजातहरू समेत जलेर नष्ट भएका थिए ।
Categorized in राष्ट्रिय
