काठमाडौं । कृषि तथा पशुपन्छी विकास मन्त्री रामनाथ अधिकारीले सरकारले पाउडर दूध बनाउने बताएका छन ।
बिहीबार कान्तिपुर मिडिया ग्रपले चितवनमा आयोजना गरेको ‘चितवन चिन्तनः चितवनको शक्ति, सम्भावना, समस्या र समाधानका उपायको खोजी’ कार्यक्रममा मन्त्री अधिकारीले सो कुरा बताएका हुन ।
नेपालको कृषि क्षेत्रमा लामो समयदेखि विद्यमान ‘मिल्क होलिडे’ को समस्या अन्त्य गर्न सरकारले अब दूधलाई पाउडरमा परिणत गर्ने मन्त्री अधिकारीले भनाइ राखे ।
उनले आफू मन्त्री हुँदै गर्दा सुरुमा मिल्क होलिडेको परिस्थिति सिर्जना गर्न नदिने अठोट लिए पनि हाल त्यो सोचमा परिवर्तन आएको बताए ।
अब मिल्क होलिडे नहोस भन्नका लागि दूधलाई धुलो दूधमा परिणत गराउँदै अगाडि बढ्ने योजनामा सरकार लागेको उनले बताए ।
Categorized in समाज
