काठमाडौं । सरकारले पेट्रोलियम पदार्थको मूल्य घटाएको छ ।
पेट्रोलमा रु २० घटाएर १७९ कायम गरिएको छ भने डिजेल र मट्टीतेलको मूल्यमा २९ रुपैयाँले घटाएर १६३ रुपैयाँ पुर्याएको हो।
शनिबार पत्रकार सम्मेलन गर्दै उद्योग वाणिज्य तथा आपूर्ति मन्त्री दिलेन्द्रप्रसाद बडूले सो जानकारी दिएको हो ।
नयाँ मूल्य शनिबार राति १२ बजेदेखि लागू हुनेछ । शनिबार प्रधानमन्त्री निवास बालुवाटारमा बसेको सत्ता गठबन्धनको बैठकले पनि कर कटौती गर्दै पेट्रोलियम पदार्थको मूल्य घटाउन सरकारलाई निर्देशन दिने निर्णय गरेको थियो ।
Categorized in बजार
