काठमाडौं । सरकारले सयको नोटमा नयाँ नक्सा (चुच्चे नक्सा) छाप्ने निर्णय गरेपछि भारतले आफ्नो भनाई राखेको छ ।
भारतीय विदेशमन्त्री एस जयशंकरले नोटमा चुच्चे नक्सा नेपालले छाप्न लागेको विषयमा प्रतिक्रिया दिएका छन ।
उनले दुवै देशविच सीमा समस्या समाधानका लागि दुई देशबीच निरन्तर छलफल भइरहेको अवस्थामा नेपालले एकतर्फी रूपमा निर्णय गरेको बताएका हुन ।
शनिबार उनले पत्रकारहरूसँको कुराकानीमा नेपालको उक्त कदमले अहिलेको परिस्थिति र जमिनको वास्तविकता नबदलिने प्रतिक्रिया दिएका छन ।
बिहीबार बसेको मन्त्रिपरिषदले एक सय रूपैयाँको अग्रभागमा हाल रहेको नक्सको बदलामा लिम्पियाधुरा, लिपुलेक र कालापानी समावेश गरिएको चुच्चे नक्सा राख्न चुच्चे नक्सा छाप्ने निर्णय गरेको थियो ।
यस अघि नेपालले २०७७ जेठ ७ गते सरकारले लिम्पियाधुरा, लिपुलेक र कालापानी क्षेत्र समेटिएको नेपालको नयाँ राजनीतिक नक्सा जारी गरेको थियो ।
Categorized in अन्तर्राष्ट्रिय
