सम्पर्क विहिन १६ प्रहरीलाई हाजिर हुन प्रधान कार्यालयको निर्देशन
काठमाडौं । फागुन महिनायता आफूखुशी गैरहाजिर रहेका १६ जना प्रहरीलाई सम्पर्कमा आउन प्रहरी प्रधान कार्यालयल निर्देशन दिएको छ ।
सोमवार प्रधान कार्यालयले गैर हाजिर रहेका ती प्रहरीहरुको दर्जा, नाम, कार्यरत ठेगाना उल्लेख गरी सुचना जारी गरेको हो ।
गैरहाजिर रहेका प्रहरीमा प्राविधिक प्रहरी नायब निरीक्षक, दुई जना प्रहरी सहायक हवलदार, प्रहरी जवान र कार्यालय सहयोगी छन ।
उनीहरुको खोजतलास गराउँदा र प्रक्रिया पूरा गरी सूचना टाँस भइसक्दा समेत कार्यालयको सम्पर्कमा नआएकाले सार्वजनिक सूचना प्रकाशन गरिएको कार्यालयले जनाएको छ ।
सूचना प्रकाशित भएको मितिले बाटोको म्यादबाहेक सात दिनभित्र स्पष्टीकरणसहित उपस्थित नभए प्रहरी नियमावलीअनुसार सेवाबाट हटाउने कारबाही हुने चेतावनी कार्यालयले दिएको छ ।
सुचनाः
Categorized in समाज
