सम्पदा बचाउन असनमा आज विरोध सभा
काठमाडौं । असनको ऐतिहासिक महत्व बोकेको सम्पदा असन घडीघर भत्काई व्यापारिक कम्पलेक्स बनाउने गुठी संस्थानको निर्णय विरुद्ध आज (शुक्रावर) बृहत विरोध सभा हुने भएको छ ।
असनको आजको सभा सम्पदा मास्नेहरु विरुद्धको बृहत सभा हुने असन कोथुननि बचाउ अभियान समितिका संयोजक नमस्ते सायमीले बताएका छन ।
उपत्यकामा सरकारले विकास र आधुनिकताका नाममा सम्पदा मास्ने अभियान सुरुपछि अहिले उपत्यकावासी, सम्पाप्रेमीहरुले स्वतःफूर्त रुपमा आन्दोलन थालेको सायमीको भनाई छ ।
५०० बर्ष पुरानो असनको घडीघरले चर्चित कोथुननि भत्काउने गुठी संस्थानको निर्णय विरुद्ध जनता सडकमा उत्रेका कोथुननिका सुजीब बज्राचार्यले बताए ।
बज्राचार्यका अनुसार गुठी संस्थानले पुस्तौ पुस्तान्तर भई आईरहेको कोथुननिका पसल कवल र त्यहाँ बस्ने ३ परिवारसहित १४ परिवारलाई विस्थापित गर्ने षडन्त्र गर्न थालेपछि स्थानीयवासी, सम्पदाप्रेमी, जनसमुदाय सबै एक जुट भई गुठी संस्थानको निर्णयको प्रतिकार गरिने बज्राचार्यले भने ।
दिउँसो ३ बजे असन चोकमा हुने आजको बृहत विरोध सभाले सम्पदा मास्नेहरु विरुद्धको खवरदारी सभा पनि भएको सायमीले बताए ।
Categorized in सम्पदा/संस्कृति
