समुेरु सहकारीको कालिमाटीमा महानगरको अनुुगमन
काठमाडौं । सुमेरु बचत तथा ऋण सहकारी संस्था कालिमाटीमा काठमाडौं महानगरले अनुगमन गरेको छ ।
मंगलबार अनुगमनको क्रममा महानगर टोलीले फेला पारेका सहकारी विभिन्न कागजपत्रको फोटोकपी गरेर ल्याएको छ ।
उक्त सहकारीको करिब ३ अर्बको बचत दायित्व रहेको करिब ८÷९ करोड मात्रै कर्जा लगानी गरेको पाएको छ ।
महानगरले सहकारी कार्यलयबाट महत्त्वपूर्ण कागजातसँगै स्वच्छन्द मानन्धरको नाममा रजिस्ट्रेसन भएको जग्गाधनी पुर्जाको प्रतिलिपि समेत ल्याएको छ ।
स्वच्छन्द मानन्धर सहकारी सञ्चालक भरत महर्जनको आफन्त हुन ।सुमेरु बचत तथा ऋण सहकारी कालीमाटीको अध्यक्षमा भरत महर्जनकी श्रीमती राजमाया महर्जन छिन । अहिले भरत परिवार सहित बेलायत भागेका छन ।
भरत महर्जनले ललितपुरको पुल्चोक र कालीमाटीमा गरेर सुमेरु बचत तथा ऋण सहकारी संस्थाको नाममा दुइटा सहकारी संस्था सञ्चालन गर्दै आएका थिए ।
पुल्चोकको सहकारी संस्थाको भक्तपुर गठ्ठाघर र ललितपुरकै धापाखेलमा शाखा कार्यालय थियो ।
महानगर अनुगमनमा ३ अर्बमध्ये अधिकांश रकम पुल्चोकको सुमेरु बचत तथा ऋण सहकारी संस्थामा लगेको देखिएको छ ।
महानगरले चालु आव ४० सहकारी संस्थाको सघन अनुगमन गर्ने निर्णयनाुसर यसअघि साई स्वागत बचत तथा ऋण सहकारी संस्था सहित तीनको अनुगमन गरिसकेको छ ।
Categorized in सहकारी
