काठमाडौं । समुद्री आँधीबाट दक्षिण अफ्रिकाको मोजाम्बिकमा एक हजार बढिको मृत्यु भएको अन्र्तराष्ट्रिय सञ्चारमाध्यमहरुले जनाएको छ ।
अफ्रिकी मुलुक मोजाम्बिकलगायतका देशहरू भीषण वर्षापछि आएको इडाई समुद्री आँधी आएको हो । आँधीले मोजाम्बिकमा जिम्बाब्बे, मलाबी पनि त्यसको चपेटामा परेका छन ।
मोजाम्बिकका राष्ट्रपति फिलिप नुसीले आँधीका कारण १ हजार बढीको ज्यान गएको सञ्चारमाध्यमहरुलाई बताएका छन ।
सोमबार प्रभावित क्षेत्रको हवाई भ्रमण गरेका नुसीले आँधीले विध्वंस मच्चाएको बताउँदै शवहरु पानीमा तैरिरहेको देखिएको बताए ।
बिहीबार ठूलो वर्षापछि प्रतिघण्टा १७७ किलोमिटरको बेगमा आँधी आएको थियो । बीबीसीका अनुसार, आँधीले बन्दरगाह सहर बेयरामा सबैभन्दा ठूलो क्षति पुगेको छ ।
सो आँधीको कारण अफ्रिकाका दक्षिणी भेग पनि प्रभावित भएका छन भने धेरै मान्छेहरु हराईरहेको बुझिएको छ ।
उद्धारमा सहभागी यूएन एडका एक कर्मचारीका अनुसार बेयराका पाँच लाख मानिसको घर क्षतिग्रस्त भएको बताएका छन ।
विश्व खाद्य कार्यक्रमका जेरार्ड बोर्केले आफूले बेयरामा कुनै पनि घर आफूले सहीसलामत नदेखेको बताएका छन ।
आँधीपछि त्यहाँ मानवीय संकट देखापरेका छन । कतिपय स्थानका मानिसहरूले रुखमा चढेर ज्यान जोगाएका छन भने कतिलाई रेडक्रस जस्ता संस्थाहरुले उद्धार गरेको भेटिएको छ ।
Categorized in अन्तर्राष्ट्रिय