काठमाडौँ । सरकारले समाजिक सुरक्षा कोष प्रभावकारी बनाउन स्थानीय तह र बैंक विच सहकार्य गरिने भएको छ ।
सरकारले गत मङ्सिर ६ गते घोषणा गरेको योगदानमा आधारित सामाजिक सुरक्षा कोषमा सम्पूर्ण श्रमिक, कर्मचारीलाई समावेश गराउनका लागि कोषले यस्तो गर्न लागेको हो ।
प्राथमिक स्वास्थ्य सेवा स्रोत केन्द्रले आयोजना गरेको सामाजिक सुरक्षा कोषसम्बन्धी अन्तरक्रियामा कोषका निर्देशक शंकर नेपालले सो विषयमा जानकारी दिए ।
कोषमा औपचारिक क्षेत्रका १० लाख कामदार र अनौपचारिक क्षेत्रमा रहेका ६० लाख जनतालाई सेवा पु¥याउन विभिन्न बैंकसँग समन्वय गरेर एकीकृत रुपमा काम गर्ने तयारी रहेको निर्देशक नेपालले बताए ।
अन्तर्राष्ट्रिय श्रम सङ्गठनका निर्देशक प्रकाश शर्माले नागरिक लगानी कोष, सञ्चय कोष र सामाजिक सुरक्षा कोषबीच हुने ओभरल्याप र डुप्लिकेसन हटाउँदै जानुपर्ने विचार व्यक्त गरे ।
Categorized in समाज
