काठमाठौं । शिक्षा, विज्ञान तथा प्रविधि मन्त्रालयले सबै सरकारी सामुदायिक विद्यालयका शिक्षकहरूको काज फिर्ता गर्ने निर्णय गरेको छ ।
मन्त्रालयले ‘घातक रोग लागेर उपचाररत शिक्षकको हकमा सो निर्णय कार्यान्वयन नहुने भएको छ ।
मंगलबार सचिवस्तरीय निर्णयबाट सबै शिक्षकहरूको काज सरुवा फिर्ता गर्ने निर्णय गरिएको शिक्षा मन्त्रालयले बताएको छ ।
शिक्षामन्त्री सुमना श्रेष्ठले घातक रोग लागेका बाहेक सबै काज फिर्ता गर्ने निर्णय गरी यथाशीघ्र कार्यन्वयन गर्न निर्देशन दिएकी हुन ।
मन्त्रालयमा शिक्षकहरुलाई विभिन्न अनावश्यक र अस्वाभाविक निकायहरूमा काजमा राखिएको र त्यसले अध्ययन अध्यापनमा समस्या परेको गुनासो आउने गरेपछि सो निर्णय गरेको हो ।
शिक्षकहरूलाई अध्ययन अध्यापन बाहेक अन्य कार्यमा लगाउन नहुने आवाज उठ्दै आएको छ ।
Categorized in राष्ट्रिय
