काठमाडौं । सनराईज बैंकले भारतमा उपचारको लागि जाने नेपालीहरुको लागि भने हेल्थ केयर कार्ड स्किम सुरु गरेको छ ।
यो कार्डबाट भुक्तानी गर्दा भारतका विभिन्न अस्पतालहरुमा ५ प्रतिशत देखि ५० प्रतिशत सम्म छुट पाउने बैंकले जनाएको छ ।
यस कार्डको प्रयोगबाट सेवाग्राहीले भारतका विभिन्न अस्पतालहरुमा पिएसओ बाट भुक्तानी गर्दा सामान्य डेविट कार्डको भन्दा बढि रकम भूक्तानी गर्न सकिने बैंकले जनाएको छ ।
हेल्थ केयर कार्डको लागि सेवाग्राहीले भारतको अस्पतालको बिवरण र चिकित्सकको सिफारिश वा अन्य जानकारीको कागजपत्र आवश्य पर्नेछ ।
यो वाहेक बैकले दिँदै आएको स्वास्थ्य योजना अनुसार बैंकका बचतकर्ताले अस्पताल भर्ना भइ स्वास्थ्य उपचार गराउँदा लाग्ने खर्च बढीमा १ लाख रुपैयाँ वा बचत खातामा रहेको वार्षिक औसत मौज्दातको २५ प्रतिशतभन्दा नबढ्ने गरी नगद दाबी गर्न सक्ने बताइएको छ ।
Categorized in बैंक