काठमाडौं । सनराइज बैंकले विभिन्न आकर्षक सुविधासहितको नयाँ बचत खाता सञ्चालनमा ल्याएको छ ।
बैंकले मोवाईल बैंकिङ, भिसा डेबिट कार्ड, डिम्याट खाता, मेरो शेयर शुल्क, अस्पताल भर्ना खर्च, ओपीडी विमा, दुर्घट्ना विमा लगायतका सुविधाहरु नयाँ खाता (सनराईज सम्पूर्ण बचत)मा पाईने भएको छ ।
बैंकका अनुसार नयाँ खातामा बैंकले पाँच वर्षका लागि निःशुल्क मोबाइल बैंकिङ र भिसा डेबिट कार्ड दिने छ । त्यसैगरी खाताका ग्राहकलाई बैंकले एक वर्षका लागि डिम्याट खाता र मेरो शेयरको शुल्क नलाग्ने सुविधा दिईनेछ ।
नयाँ खाताका ग्राहकले अन्तर्राष्ट्रिय भिसा यात्रा कार्ड जारी गर्ने शुल्कमा ५० प्रतिशत छुट सुविधा प्राप्त गर्न सक्ने छन । उक्त बचत खातामा ग्राहकले ८० हजार रुपैयाँसम्मको अस्पताल भर्ना खर्च र २० हजार रुपैयाँसम्मको ओपीडी बीमा पाउने छन ।
बैंकका अनुसार अस्पताल भर्ना बीमा वर्षमा ३ पटकसम्म दाबी गर्न सकिने छ भने स्वास्थ्य बीमा योजना भारतका विभिन्न अस्पतालहरुमा उपचार गराउँदा समेत दाबी गर्न सकिने छ ।
यसबाहेक ५ लाख रुपैयाँसम्मको दुर्घटनाको बीमा सुविधा पाउने बैंकले जनाएको छ ।
Categorized in बैंक