काठमाडौं । प्रधानमन्त्री केपी शा्र्मा ओलील १३६ औं अन्तर्राष्ट्रिय श्रमिक दिवसको अवसरमा बिहीबार भर्चुअल माध्यमबाट ‘श्रम पोर्टल’ उद्घाटन गरेका छन ।
यो पोर्टलले सरकार, निजी क्षेत्र र जनतालाई जोड्ने पुलको काम गर्ने प्रधानमन्त्री ओलीले बताए ।
’यसले रोजगारीमा आबद्धता हुन सहजीकरण गर्नेछ । रोजगारदाताहरूको नियमन र नागरिकहरूमा श्रमको सम्मान गर्ने बानीको विकास हुनेछ रोजगारदातालाई योग्य जनशक्तिको उपलब्धता सुनिश्चित हुनेछ,’ उनले भने ।
श्रम, रोजगार तथा सामाजिक सुरक्षा मन्त्रालयका अनुसार यसमा रोजगारी र उद्यमशीलताका विषयबस्तु उपलब्ध हुनेछन र आवेदन यहिँ पोर्टलबा बाट दिन मिल्ने छ । यो पोर्टल प्रयोग गरेवापत कुनै शुल्क लाग्दैन ।
यसलाई निकट भविष्यमा नागरिक एपमा आवद्ध गरी सम्पूर्ण जनतासँगको पहुँच अभिवृद्धि गर्न समेत प्रधानमन्त्रीले निर्देशन दिए ।
यस अवसरमा सरकारले आन्तरिक रोजगार प्रवद्र्धन दशक घोषणा गरिसकेको र यसका लागि रणनितीक कार्ययोजना तयार गरिरहेको प्रधानमन्त्री ओलीले बताए ।
Categorized in राष्ट्रिय
