शुक्रवार सुनको मूल्य ७८ हजार १ सय पुग्यो
काठमाडौं । सुनको भाऊ अहिलेसम्मकै सबैभन्दा महंगो हुन पुगेको छ ।
आज सुनको भाउ ७८ हजार १ सय रूपैयाँ पुगेको नेपाल सुनचाँदी व्यवसायी महासंघले जनाएको छ ।
अघिल्लो दिनको तुलनामा शुक्रबार प्रतितोला ५ सयले सुनको भाउ बढेको हो । बिहीबारको कारोबार मूल्य प्रतितोला ७७ हजार ६ सय थियो ।
चीनको हुवेइ प्रान्तको वुहान सहरबाट फैलिएको कोरोना भाइरस रोग (कोभिड–१९) का कारण चिनियाँ अर्थतन्त्रसँगै विश्वबजारमा परेको प्रभावले अझै केही समय सुनको मूल्य नघट्ने संकेत देखिएका छन ।
यसले गर्दा सुनको भाउ बढिरहेको अन्तर्राष्ट्रिय सञ्चार माध्यमहरूले जनाएका छन ।
शुक्रबार चाँदीको मूल्य स्थिर रहेर प्रतितोला ९ सय १५ रूपैयाँ छ ।
अन्तर्राष्ट्रिय बजारमा शुक्रबार दिउँसोसम्म सुन प्रतिऔंस १६३७।२० डलरमा कारोबार भइरहेको थियो ।
Categorized in बजार
