काठमाडौं । काठमाडौं महानगरपालिकाले शुक्रवार शोक विदा दिने भएको छ ।
विहिवार काठमाडौं महानगरपालिका– १६का वडाध्यक्ष मुकुन्द रिजालको उनको निधनमा शुक्रबार महानगर अन्तर्गतका कार्यालयहरूमा शोक बिदा दिने महानगरका प्रवक्ता नवीन मानन्धरले बताए ।
वडा अध्यक्ष रिजालको अस्पतालका मेडिकल डाइरेक्टर डा. विनोद विजुक्छेका अनुसार दुवै फोक्सोमा सिभियर निमोनिया (भाइरल निमोनिया) को कारण मृत्यु भएको हो ।
आज बिहान ७ः३० बजे रिजालको निधन भएको अस्पतालले जारी गरेको विज्ञप्तिमा भनिएको छ । रिजाललाई डेंगीसमेत लागेको थियो ।
कांग्रेस काठमाडौं क्षेत्र नम्बर ७ सभापति समेत रहेका रिजालको आजै पशुपतिमा अन्तेष्टी गर्ने तयारी गरिएको छ ।
रिजाल महानगर वडा नम्बर १६ अध्यक्षमा दुई पटक निर्वाचित भएका थिए ।
Categorized in स्थानिय