काठमाडौं । भोली (शुक्रवार २३ गते) नेकपा एमालेको काठमाडौमा जिल्ला अधिवेशन हुने भएको छ ।
जिल्ला अध्यक्ष कृष्ण राईले अधिवेशन काठमाडौंको मूलपानी क्रिकेट मैदानमा हुने बताएका छन । अधिवेशनको उद्घाटन कार्यक्रममा एक लाख कार्यकर्ता सहभागी गराउने पनि जानकारी दिए ।
यसअघि पुस २० गते काठमाडौंका ११ नगर, १३८ वडा र १० निर्वाचन क्षेत्रबाट प्रतिनिधिहरू छनौट गरिसकेको राईले बताए । जिल्ला अधिवेशनको उद्घाटन कार्यक्रमलाई अध्यक्ष केपी शर्मा ओलीसहित केन्द्रीय नेताहरूले सम्बोधन गर्नेछन ।
जिल्ला अधिवेशनको बन्दसत्र भने शनिबार राष्ट्रिय सभागृहमा हुने अध्यक्ष राईले बताए ।
Categorized in राष्ट्रिय