२५ माघ २०८१, शुक्रबार
Nepal Bank AD

शिक्षण अस्पतालमा पुनः स्वास्थ्य बीमा कार्यक्रम सञ्चालन


प्रकाशित: मंगलवार, ८ माघ २०८१, १३ः१०० बजे
- महानगरखवर

काठमाडौं । काठमाडौंको महाराजगञ्जस्थित त्रिभुवन विश्वविद्यालय शिक्षण अस्पताल (टिचिङ हस्पिटल)मा रोकिएको स्वास्थ्य बीमा कार्यक्रम पुनः सुचारु भएको छ ।


सोमबारदेखि स्वास्थ्य बीमा कार्यक्रम पूर्णरूपमा पुनः सञ्चालनमा ल्याएको अस्पताल प्रशासनले जनाएको छ । 


गत १२ भदौदेखि आंशिक रूपमा स्थगित गरिएको यो सेवा पाँच महिनापछि पूर्ण रूपमा सञ्चालनमा आएको हो ।


अस्पतालका निमित्त निर्देशक डा. घनश्याम गुरुङले स्वास्थ्य बीमा बोर्डले ल्याएको नयाँ प्याकेजप्रतिको असहमति र बोर्डबाट प्राप्त हुनुपर्ने सोधभर्ना रकम नपाएका कारण सेवा आंशिक रूपमा स्थगित गर्नु परेको उल्लेख गरेका छन । 


स्थगन अवधिमा अस्पतालले ओपीडी र आकस्मिक सेवामा मात्र बीमा सुविधा उपलब्ध गराउँदै आएको थियो । त्रिवि शिक्षण अस्पतालमा २०७७ मंसिरदेखि स्वास्थ्य बीमा कार्यक्रम सुरु भएको थियो ।

 

21 January 2025, Tuesday

asteriskhubs
Home Page Bottom Second


Nepal Bank AD
maharjan complex