काठमाडौं । वाङ्मय शताब्दी पुरुष सत्यमोहन जोशीलाई भक्तपुरमा नागरिक अभिनन्दन गरिने भएको छ ।
वाङ्मय शताब्दी पुरुष सत्यमोहन जोशी नागरिक अभिनन्दन समारोह समितिले शुक्रवार पत्रकार सम्मेलन गरेर जानकारी दिएको छ । आगामी समितिको प्रचारप्रसार संयोजक नविनप्रकाश श्रेष्ठले शताब्दी पुरुषलाई असार ६ गते नागरिक अभिनन्दन गरिने जानकारी दिए ।
श्रेष्ठले नेपालको कला, शिल्प, साहित्य, सम्पदा, संस्कृति र लोक संस्कृतिको संरक्षणमा उनले पुराएको योगदानको स्मरण गर्दै अभिनन्दन गर्न लागिएको बताए ।
अभिननदन समारोह सम्पन्न गर्न नरेन्द्रभक्त हाडाको संयोजकत्वमा २०१ सदस्यीय मूल समारोह समिति गठन गरेको छ ।
असार ६ गते शुक्रबार मध्यपुरथिमिको बाहाखाबजारबाट शङ्खधर चोकसम्म र भक्तपुरको दत्तात्रयबाट सूर्यविनायकसम्म विशाल शोभा ¥याली गर्दै सूर्यविनायकको अजिमामा आयोजना गरिने समारोहमा अभिनन्दन गरिने भएको छ ।
Categorized in सम्पदा/संस्कृति