काठमाडौं । काडाँघारी अपहरण प्रकारणमा मारिएका निशान खड्काका अपहरणकारीहरु गोपाल तामांग र अजय तामांगको प्रहरीद्धारा गरिएको इन्काउन्टरको अनुसन्धान गरिने भएको छ ।
गृहमन्त्री रामबहादुर थापा ‘बादल’ ले विहिबार राज्यव्यवस्था समितिको बैठकमा सो कुरा बताएका हुन । सरकारका कुनै आधिकारीक धारणा अलिहेसम्म नआईरकेको बेला गृहमन्त्री थापाले शंकास्पद भनिएको सो इन्काउन्टरको अनुसन्धान हुने समितिलाई जानकारी दिएको हो ।
राज्य व्यवस्थासमिति सदस्य देवेन्द्र कँडेलले इन्काउन्टरको विषयमा सोधपुछको लागि महानिरीक्षक र सम्बन्धित पदाधिकारीलाई समितिमा बोलाउन माग गरेका छन् ।
प्रहरीले अपहरणकारीहरुको जवाफी फायरमा आत्मरक्षाको लागि गोली चलाएको बताउँदै आएपनि प्रहरीले अपहरित बालकलाई बचाउन असफल भएपछि इन्काउन्टरको नाममा उनीरुको हत्या भएको भन्दै यतिखेर सर्वत्र आलोचना भईरहेको छ ।
Categorized in समाज
